Home » Recent (Slider) » बोलोॅ भैया रामे राम हो माय,कोशी सन बेदरदी

बोलोॅ भैया रामे राम हो माय,कोशी सन बेदरदी

Advertisements

बोलोॅ भैया रामे राम हो माय

रचनाकार-अज्ञात

बोलोॅ भैया रामे राम हो माय
कोशी सन बेदरदी जग में कोय नय ।
चीन देश में नदी ह्वांगहो
चीनक शोक कहाय ।
भारत के उत्तर बिहार में
निष्ठुर कोशी माय ।।
बोलोॅ भैया….
जहँ उपजै छल कनकजीर
अरू नाजिर पलिया धान ।
ताहि ठाम के नारीनर के
अल्हुआ राखै प्राण ।।
बोलोॅ भैया…….

 

 

 

 

जतय चलै छल मोटर गाड़ी
पानी ततय अथाह ।
बासडीह के कुण्ड बनौलक
बांसो न लैअछि थाह ।।
बोलोॅ भैया……..
धन दौलत सब कुछ हरलक ई
किछु नहि छोड़लक शेष ।
मलेरिया काला बुखार पिलही देलक सन्देश ।।
बोलोॅ भैया……….

 

 

 

 

कतह से आनव दवा
कुनायन दूध गाय के, धान ।
कतह से आनव साबूदाना
कोना के बाँचत प्राण ।।
बोलोॅ भैया…….
धैरज राखह मंगरू भैया
मन नहि करक मलान ।
समय पाय तरूवर फरैत अछि
जानत सकल जहान ।।
कोशी बाँधक हित तत्पर छथि
वृद्ध युवक ओ बाल ।
भारत के सेवक समाज
श्रमदानी दल बेहाल ।।
उपद्रवी दुष्टा कोशी के
भेटतय खूब सजाय ।
बाँधि के मुसुक बाँध सब
क्यों मिलि जेल में देत ढुकाय ।।
जहिना नन्दन स्वर्ग लोक में
रखइछ अनुपम वेश ।
ताहू से बढ़ि चढ़ि के हेतौ
तोहर मिथिला देश ।।
बोलोॅ भैया …….

@प्रस्तुति-संजय कुमार सुमन 

Comments

comments

Advertisements
x

Check Also

पटाखों की गूंज से गुंजयमान रहा पिपरा

  मिथिलेश कुमार कोसी टाइम्स @पिपरा,सुपौल. पिपरा प्रखंड के पैक्स अध्यक्ष एवं कार्यकारिणी पद के लिए हुए चुनाव में मतगणना ...